الكليات الاهلية والحكومية التي تقبل خريجي الوقف الشيعي المعترف بها رسميا وقانونيا

السلام عليكم بعد كثرة الاسئلة التي تداولت في الاونة الاخيرة بخصوص الكليات الاهلية والحكومية التي تقبل خريجي الوقف الشيعي في العراق

طبعا بعد البحث الطويل والاسئلة الكثيرة وجدت النتائج النهائية 100% المتأكد منها وهي

الكليات الاهلية التي تقبل خريجي الوقف الشيعي

كلية اصول الدين الجامعة مكانها في باب المعظم مجمع الكليات

هاي الكلية الوحيدة التي تقبل خريجي الوقف الشيعي تقبلهم علوم قران واداب عربي والكلية معترف بيها بنسبة 100% من قبل وزارة التعليم العالي والبحث العلمي ومجلس الوزراء العراقي.

القسط مليون دينار لعلوم القران و 900 الف للاداب عربي

 

الكليات الحكومية التي تقبل خريجي الوقف الشيعي

1- كلية التربية علوم القران جامعة بغداد

2 – الجامعة المستنصرية كليات تربية علوم القران واداب عربي واداب تاريخ

الاقساط هي 600 الف دينار مسائي فقط

 

طبعا هاي الكليات الحكومية والاهلية المعترف بها فقط والمتاكد منها 100% بعد البحث الطويل حاليا كلية اصول الدين الجامعة مفتوح التقديم بيها

وهناك الكثير من الكليات الغير معترف بيها وتقبل خريجي الوقف الشيعي مثل كلية المصطفى الجامعة في الكاظمية وكلية خاتم الرسل في الكاظمية وكلية الكفائات العراقية في الكرادة قريب عن سيد ادريس.

اي استفسار الرجاء ترك تعليق

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

    • حبيبي تدلل هاي الكليات بس بغداد لان اني افتريت الكليات واتاكدت منها بنفسي بالنسبة للنجف عندي اقاربي هناك هم خريج وقف شيعي راح اسأله واشوف الكليات التقبل وتدلل

    • فقط كلية اصول الدين الجامعة الكائنة في باب المعظم التسجيل مفتوح لحد الان واعتقد ينسد خلال الايام القادمة

  1. السلام عليكم ممكن اعرف الجامعة تقبل طلبة الوقف الشيعي والمعدل 70 واكو مجال للتقديم لطفا ارجو الرد لطفا

    • كلية اصول الدين الجامعة مكانها باب المعظم مقابل جامعة بغداد لحد الان مفتوح التقديم بيها والمعدل ماله علاقة

  2. المعدلات التي تقبله كلية التربية علوم القران جامعة بغداد

    2 – الجامعة المستنصرية كليات تربية علوم القران واداب عربي واداب تاريخ
    كلية اصول الدين الجامعة مكانها في باب المعظم مجمع الكليات
    هل التقديم انغلق ام لا وفي بابل توجد كليات

    اقل معدل يقبلوه واني معدلي 66 هل انقبل ام الا ارجو الرد من جنابكم المحترم

  3. السلام عليكم…
    ممكن اعرف ليش ميقبلون معدل 72 من جريجي الوقف الشيعي واني قدمت واني جريجة السنة الماضية
    وهل ممكن قبولي الان اذا قدمت على التاريج او علوم قران وهل مفتوح التقديم حتى هذا الوقت …مع جزيل الشكر والتقدير

    • كلية اصول الدين تقبلج لحد الان التقديم مفتوح قسطها مليون دينار بالنسبة لبغداد اكو كلية العلوم الاسلامية تقبلج مسائي تقديم مباشر والمستنصرية انسد

  4. السلام عليكم
    ممكن اعرف سنو الاقسام الي تقبلنه وهل هذه الجامعة حكومية ومعترف بيه ….واين مقرها
    ……مع جزيل الشكر والتقدير

    • عربي وعلوم قران فقط الجامعة اهلية معترف بيها من سنة 1964 ومقرها مقابل جامعة بغداد باب المعظم

  5. اذا تسمحون سؤال …………
    صديقتي ادوم في جامعة الامام الكاظم ع وهي مرحلة ثانية عربي هل يحق لها التحويل في جامعة اصول الدين وهي دفعت القسط في الجامعة وهل ممكن الاستضافة في هذه الجامعة …………..مع جزبل الشكر والتقدير

    • بالنسبة للاستضافة نعم موجود بيها استضافة وبالنسبة للتحويل ماعرف احتمال يصير هيه مكانها باب المعظم مقابل جامعة بغداد تكدر تروح تسئل عالتحويل

    • صباح النور كرار دزيتلك نتيجتك اول مطلعت النتائج مال النجف على ايميلك والف مبروك نجاحك….. بالنسبة لمحافظة بغداد اني ذاكر الكليات وبالنسبة لكربلاء عندك جامعة اهل البيت اهلية معترف بيها رسمياً وصديقي ديداوم بيها هاي اول سنة اله بالنسبة للنجف ماعرف حاليا عندي اقاربي هناك را اسئله واردلك خبر

  6. السلام عليكم استاذ جعفر وشكرا لك مقدما على الاجوبه التي تقدمها وبارك الله بيك سؤالي استاذ جعفر ما عندك علم متى يفتح التقديم لسنة 2014 وهل يوجد اقسام اخرى غير الذي ذكرته او لايوجد وشكرا لك واسف على الاطاله

    • عليكم السلام حبيبي
      بالنسبة للتقديم راح يفتح بشهر الثالث يعني مباشرة بعد نهاية امتحانات الدور الثاني للوقف الشيعي اللي راح تبدي 5/2/2014 ان شاء الله
      بالنسبة للاقسام الاسلامية والشريعة والتاريخ الاسلامي والسياحة الدينية واللغة العربية واداب تاريخ واعلام وقانون بس للمعدلات فوك 80 وهم ينرادلها شوية دفعه يعني لازم تحصل مكان لو يحصلك عرف لان العلمي والادبي الهم افضلية على جماعة الوقف وهذا واقع حال. واي سؤال ثاني اني بالخدمة

      • العفو استاذ جعفر اني قصدي متى يفتح التقديم على الكليات لأن انا امتحنت ومعدلي 72 وشكرا لك من القلب

        • عيوني التقديم مفتوح لحد الان بكلية اصول الدين فقط قسم عربي وعلوم قران وتدلل

  7. استاذي العزيز اني انشاء الله راح اتخرج من معهد الامام الحسين الاسلامي وساحصل على شهادة السادس ما اقصده باني درست ثلاث سنين اكملت الاعدادية بالدراسة فهل اختلف عن الذين امتحنوا خارجي

    • اخي العزيز المعهد يمنح شهادة دبلوم وليس اعدادية, بالنسبة لمعهد الامام الحسين عليه السلام هل هو تابع للوقف الشيعي اذا كان كذلك فليس بينك وبين البقية اختلاف هذا اذا كان يمنح شهادة سادس اسلامي